Glutenfri blomkålpizza med chevre og granateple

DSCF3368Eg er hekta på to ting: blomkålpizza og kombinasjonen av chevre og granateple. Difor prøvde eg å slå det saman.

Eg tok utgangspunkt i denne oppskrifta her.

DSCF3371 Ha ost, tomatsaus og chevre på pizzaen når du sett den i omnen. Når den er ferdig toppar du den med granateple og babyspinat = skikkeleg bra middag

Glutenfri blomkålpizza med chevre og granateple

Glutenfrie søtpotetscones

DSCF3346Denne oppskrifta vil eg verkeleg anbefale folk å prøve! Ikkje berre er den glutenfri, men den kan enkelt lagast mjølkefri også. Allergimat på sitt beste, altså. Eg har tidlegare prøvd ei liknande oppskrift med surmjølk.. eg vil påstå at denne oppskrifta er mykje betre! I tillegg ser det veldig bra ut at den har ein slik snasen farge.

For å lage ein scones treng du: 1 dl maismjøl, 1 dl jyttemjøl orgnial, 1 ts pofiber, 1 ts fiberhusk, 2 ts bakepulver, ½ ts salt, 1 ts sukrin (kan sløyfast), 1 ss smør (kan sløyfast), om lag 300 g søtpotet.

DSCF3358 DSCF3356

  1. Sett omnen på 225 grader.
  2. Lag ein puré av søtpotet og eventuelt smør.
  3. Ha alle dei tørre ingrediensane i ein bolle. Bland det godt saman med søtpotetpureen.
  4. Form deiga til ei kake. Legg den på bakepapir og snitt den med kniv.
  5. Steikast midt i omen i om lag 20 minutt til den har fått litt farge.

Eg hadde steikte brekkbønner, majones, parmesan og paprika på. Anbefalast!

Glutenfrie søtpotetscones

Glutenfrie søtpotetlomper

DSCF3273DSCF3281Eg har lenge tenkt at eg burde teste ut søtpotetlomper, men det har liksom aldri blitt noko av – før no da. Eg er veldig positivt overraska! Desse skal eg lage igjen. Litt synd at eg hadde litt for høg temperatur på omen. No har eg vertfall lært det til neste gong.

Eg brukte: 2 små/medium søtpoteter, 7 ss bokkveite, 7 ss maismel (pluss maismel til å bake ut lompene), salt.

DSCF3277

  1. Del søtpoteta i mindre bitar og bak den i omnen. Deretter mosar du den saman til ein søtpotetpurre. Du kan også ha søtpoteta i mikrobølgjeomnen om du har litt dårleg tid.
  2. Tilsett salt.
  3. Tilsett mel. Start med litt om gongen. Dess mindre mel du brukar, dess betre blir lompene. Prøv deg fram. Eg brukte 7 ss av kvar melsort før eg starta å bake ut. Form deiga til ei pølse, som du deretter delar opp i like store delar.
  4. Bruk mykje mel når du skal bake ut. Eg baka ut med maismel. Ha klumpen med deig på eit bakepapir med maismel på. Trykk den litt flat og snu den slik at det kjem godt med mel på begge sider. Legg eit nytt bakepapir over deiga og kjevl ut.
  5. Steikast på medium varme i ei tørr steikepanne. Ha den lompa i eit kjøkkenhandkle når den er ferdig, så held den seg mjuk.

DSCF3287

Fyll: Raud pesto, guacomole, parmesan, babyspinat, agurk og paprika.

Glutenfrie søtpotetlomper