Chop à la ching (vegetar)

DSCF2480Eg har prøvd meg på kinesisk mat. I tillegg til å vere vegetar er den hundre prosent glutenfri. Eg har tatt utgangspunkt i denne oppskrifta frå matprat.

Du treng: ris (kokt med 1 ss gurkemeie), 300 g kokte kikertar, 1 lauk, 2 fedd kvitlauk, 1 chilipepar, 2 gulroter, 150-200 g rosenkål, 400 wokmix (med minimais, bamusskudd, bønnespirer og vannkastanjer) 1 ss maizena, 2 ss soyasaus (glutenfri), 1 blokk grønsaksbuljong, 2-3 dl vatn, 2-3 dråpar sukkerkulør, salt og pepar.

DSCF2474

  1. Lag risen slik det står på pakken.
  2. Kutt opp lauk, kvitlauk og chilipepar. Steik det i nokon minuttar til lauken har blitt blank.
  3. Skyl av laken på kikertane og ha dei saman med lauken. Steik vidare i 2-3 minuttar.
  4. Tilsett soyasaus, grønsaksbuljong og vatn. Skru ned varmen og la det trekke i 10 minutt.
  5. Tilsett wokmix, rosenkål og gulrot. Skru opp varmen igjen og la det koke i 3-5 minutt til grønsakene så vidt er møre.
  6. Blant ut maizena i ½ dl kaldt vatn. Ha det i blandinga saman med 2-3 dråpar sukkerkulør, salt og pepar.
Posted in mat

Oppskrift på salsa!

DSCF2301Hurra! Eg har laga heimelaga salsa.

5 tomatar, 1 lauk, 3 fedd kvitlauk, 1 chilipepar, safta av 1 lime, 1 neve koriander, (evt 1 ts korianderkrydder) 1 ss olivenolje, salt og pepar.

  1. Kutt opp tomatar. Ha dei i eit dørslag slik at noko av tomatsafta renn ut.
  2. Kutt opp lauk og chilipepar (fjern frø frå chilipeparen). Ha alt i ein bolle.
  3. Lag ein ”dressing” av finhakka kvitlauk, limesaft, koriander, olivenolje, salt og pepar.
  4. Bland det godt saman før du har det over lauken og tomatane.

 

Enkelt!

Tips: Om du skal lage guacomole i tillegg så er det berre å tilsette 1 ss salsa per avokado. Det må vere lov å jukse litt.

Posted in mat

Glutenfri falafel

DSCF2320Du treng: om lag 600 g kikertar (2 pk go green), 6 ss kikertmel, 1 sjalottlauk, 4 fedd kvitlauk, 1 chilipepar, ein neve koriander, 1 ts bakepulver, 1 ts natron, smak til med salt og pepar. Du kan også ha i spisskummen og kardemomme (ei halv ts av kvar).

DSCF2318

  1. Ha kikertane i eit dørslag å skyl av dei.
  2. Ha alle ingrediensane i ein foodprosessor. Kjør til det blir ei fin deig.
  3. La det kvile i 30 min til 1 time.
  4. Form små bollar. Prøv å steik ein først for å sjekke om konsistensen er bra. Bruk godt med olje!
  5. Medan du steikar bollane kan det vere lurt å lage klart dei resterande bollane som skal steikast. Så kan du ha dei i steikepanna samtidig.
  6. La det renne av dei på eit kjøkkenpapir.
Posted in mat

Chiapudding med blåbær

DSCF2293Til 1 person treng du: 3 ss chiafrø, 1,5 dl mandelmelk, 1 banan, ein neve blåbær (i tillegg kan du gjerne tilsette cacao nibs, kokosflak og nøtter)

  1. Ha chiafrø og mandelmelk i ei skål/krukke. La det stå i kjøleskapet i minst fem timar. Enklaste er å ha det ståande over natta.
  2. Kutt banan opp i bitar. Strø litt blåbær, nøtter, cacao nibs og kokosflak over.
Posted in mat